azhar blog

ياحي ياقيوم برحمتك أستغيث ، أصلح لي شأني كله ولا تكلني إلى نفسي طرفه عين

من قالها فقد دعى بخيري الدنيا والاخره ( اخرجه الحاكم )

حلى فخم شكلا وطعما للي مايحب الحلى بقوه حالي

طبعا الصوره صورتها عقب ماطلعو العالم والطبقه الي فوق ساحت هع

بس الاغلبيه عجبهم الحلى الا انا هع

احب الحلى حااالي وبما اني اروح واجي
وادخل واطلع ماذقته الا بعد الصوره والطبقه الي فوق سايحه اكثر هع
فالطبقه الي فوق حاليه والي وسط متوسطه الحلاوه فلما تاكلهم سوا بيطلع حلوو الحلى
ماطول عليكم بكلامي

المقادير
الطبقه الاولى :
واحد ونص بكت بسكوت شاهي
6 ملاعق شكولاته مره
6 ملاعق سكر
شويه زبده
وشويه حليب سايل

الطبقه الثانيه :
نص كاس شكولاته مره
نص اصبع زبده
२ علبه فلادلفيا
علبه نستله
३ بيضات
२ ملعقه فانيلا

الطبقه الثالثه :
شكولاته جلاكسي
شويه حليب

الطريقه تعجن الطبقه الاولى وتزود بالحليب الى ان تكون عجينه
وتوزع في قوالب الكوب كيك ثم تخلط الطبقه الثانيه وتوضع عليها وتدخل
الفرن لمده نص ساعه في درجه حراره 140 بعدها تطلع وتبرد ثم توضع الطبقه الثالثه
وتوضع في الثلاجه لوقت التقديم

معلومه الصور مره مصغره اضغطو عليها واستمتعو

بسم الله الذي لايضر مع اسمه شي في الارض لا في السماء وهو السميع العليم

من قالها ثلاث مرات لم يضره شي ( أخرجه الترمذي وأبو داود )

بكتب اليوم عن شغله مره تضيق صدري ودايم اعلق عليها
الملصقات والدعايات الي تلزق عالجدران والاشارات ولوح الارشاد بدون اي رقابه
هالشي كثير ينرفزني لانه يشوه ويعطي انطباع مو زين
اختي لما اعلق تقولي كانك ماعشتي بالسعوديه

ليه كل ماشفتي الملصقات علقتي
بصراحه الوم البلديه في هالشي لو تحط بس غرامه على اي احد يحط
هالملصق حقين المدارس والورش ومادري ايش الي
كل ماجتهم دعايه يلصقوها في الطريق بجد شي موحلو
احس لو نبدى بالاشياء الصغيره وبشوي شوي بيتحسن مظهر مدينتنا اكثر
بقانون صغير في غرامه تستاهل وبالاخير البلديه هم المستفيده
احس البدايه سهله مجرد يمرون على شارع وينظفونه
ومن ينظفونه من كل الملصقات اي اعلان بعدها عليه غرامه
والغرامه بتنحط بجيوبهم هم المستفيدين

وبالاخير شوارع خاليه من الملصقات العشوائيه ونظفيه ومرتبه

لكن من يسمع ...!!

الصوره المدرجه من جده وكما هو الحال عندنا في الرياض طبعا مو كل الشوارع بس اغلبها هع

اشتقت لك ياكتابي

نعم اشتقت له , في المرحله المتوسطه كنت اقرا كتب متنوعه الى ان تحولت

الى كتب روايات فكانت تجذبني كثير وبظرف اسبوع اكون قد ختمت

روايه وفي منتصف الاخرى كان هذا حالي الى ان ارسلت لي قصه عن طريق الجوال

في خدمه الام ام اس وبعدها اتجه اقراقصص خليجيه في النت فزادت من حزني
وشتت افكاري وصار ما اكمل صفحتين الا وعيناي محمرتان من البكاء

فتركتها ومعها تركت القرائه تقريبا في ثاني ثنوي وقفت عن قرائه الكتب

حسيت انها تجيب لي الحزن॥ ليتني عدت للكتب ,,

مع بعدي عن الكتاب فقدت كلمات ومعاني جميله وقلت ثقافتي وكثير اشياء فقدتها
طبعا الي نبهني للكتب وحنيت لها هو جلستي بدون النت

<< لو سمعني اخوي بينبسط

وعزمت ان ارجع اقرا باذن الله و بما اننا في رمضان فالاحق في هالشهر قرائه القران

والحمدلله انا مداومه على قرائته واتمنى انا اختم اكثر من الاعوام السابقه
بعد رمضان سوف ابدا بالقرائه باذن الله

فاتمنى انكم تعطوني او تساعدوني بعناوين الكتب الي افادتكم كثير
وبكون لكم شاكره

اللهم انت ربي لا إله إلا أنت خلقتني وانا عبدك وأنا على عهدك ووعدك ما أستطعت ,
أعوذ بك من شر ما صنعت أبوء لك بنعمتك علي , وأبوء بذنبي فاغفر لي فإنه لايغفر الذنوب إلا أنت

من قالها حين يصبح فمات من يومه دخل الجنه ومن قالها حين يمسي فمات ليلته دخل الجنه
( أخرجه البخاري )

كنت يوما هاهنا
ارقب الموج انا
انظر لقمر شع نوره
على سطح بحري انا
يرقص على موجات الهوا
معطيا لحنا يهواه قلبي انا

كلمه ارتباط حسيتها اليوم زي الرباط

جد لما شفت لمو ومها ربطو انفسهم بشال وكان ظهر وحده عالثانيه
قلت لهم فكو ترا بتطيحون وتتهاوشون وآخرتها صياح

هم اصرو وقالو عادي
وصارو يمشون بالبدايه هواش خفيف مع ضحك
انو امشي بشوي شوي ولاتسحبيني
ومع الدرج اسمع اصواتهم لمو خايفه مها مصره ترقى
وراحت الاصوات
انا توقعت فكو بعض وعادي كلن مشى بطريقه
بعد شوي دخلو علي وهم للحين مترابطين

بس كانو جنب بعض مو زي البدايه عكس بعض
وكل شي تمام وبهدوء
بعدها جلست اسالهم كيف التجربه

لمو قالت خلينا نجلس تعبت من المشي
وبما انها عجازه شوي .. لما سالتها عن وش الحلو بالربطه قالت لاقالو نشيل شي
نصير سوا هع
ماتبي تشتغل لحالها
ومها تقول مو ادورها بكل مكان خلاص هي بجنبي واشوفها
ولما قلت وش اشين شي قالو المشي شوي تعبنا بالبدايه بس الحين عادي

حسيت ان العلاقه باي شخصين ممكن تكون زي الرباط

بالبدايه شويه تعب بين مفاهيمهم وافكارهم المختلفه
وكل واحد يسحب الثاني ويبيه زيه
وبعد فتره لو هم مو متسرعين ولا متعصبين بارائهم واشيائهم

بيتفقون زي البنات ويمشون جنب بعض
مع شويه من المشاكل الخفيفه مو زي البدايه لما كانو عكس بعض او بالاصح
من بيئتين مختلفتين وافكار واراء مختلفه
كل واحد تكيف عالوضع مع الثاني
عاد الرباط بين البنات كان شال
اما بالعلاقه ممكن يكون زميله او مدير او جار ....الخ

مجرد تشبيهات ممكن توافقوني فيها وممكن لا ...!

اللهم ما أصبح بي من نعمه او باحد من خلقك فمنك وحدك لاشريك لك فلك الحمد ولك الشكر

من قرأها صباحا ومساًء فقد ادى شكر يومه (أخرجه ابو داود )

القصه ومافيها
واحنا نحط الفطاير بعد المغرب
دخل فهودي وسال وش ذولي الملفوفات
قالت اختي قنابل ناظر لي ابتسمت وماقلت شي
وكملت السالفه قالت له علشان يفتحونها وتنفجر عليهم
قلت له خذ وحده وافتحها قال لالا
عني اقول الصغار الحين اذكى منها ومستحيل يصدقون خرابيط
الزبده
بعد ما اخذنا نص ساعه
جاء يركض
يقولي عمتي والله العضيم خبزه شوفي شوفي
انا ضحكت بجد ماتخيلته يصدق هههههههههههه
وهذي القنابل هع
مجرد ربع خبزه مدهونه بشويه جبن ومحشيه زي الشاورما وملفوفه بقصدير ومدخله الفرن

مصحف اختي
لما شرته انجنيت عليه
وقلت بعد بشتري شبيه له
عاد ماتذكرت الا وانا في الطياره هع

الطبقه الالى :
كاس حليب بودره محموس
ثلاث ارباع كاس سكر
३ بيضات
نص كاس زيت
ملعقه بكتج بودر
ربع ملعقه نسكافيه

تخلط وتحط بصينيه وتدخل الفرن فقط من تحت لين تستوي(( زي الكيك

الطبقه الثانيه :
8 كيري
بياله سكر
بياله حليب سايل

تخلط وتحط عالطبقه الاولى وتدخل الفرن من فوق بس لين تتماسك
وبعد ماتطلع نرشهم بشكلاته كثييره
ثم ندخلها الثلاجه لين تبرد ونرجع نرشها بشكولاته ونقصها دوائر وتزين بالفرواله

وبس

حلى ام علي

من اسهل الحلويات و بمعنى الكلمه لذيذ
راح اكتب لكم طريقته ان شالله
اما الي تحت حلى ام علي

تسلم يدينك بنت خيو

مقاديره:
2 ملعقه سكر
2 ملعقه نسكويك
2 ملعقه نسكافيه
2 ظرف دريم ويب
5 ملاعق حليب بودره
كاس ماء بارد
وتقريبا طبقين ثلج
كلهم ينحطون بخلاط سموذي ,, وتمتعو بالطعم
طبعا الكريمه الي فوقها جاهزه ,, شاريتها من كارفور