واجب تدويني 2 || اعترافات

12:41 ص azhar 18 Comments


الدعوه جتني من lolipop الحلووه

وهذي اعترافاتي ::


1-اعترف احب الهدوء لكن اخاف من الهدوء الزايد

2-اعترف اني القى صعوبه اني ادخل بالنوم اخذ وقت طويل ,, لاكن لانمت صعب تقومني :o1:

3-اعترف اني بسرعه تنزل دمعتي :(

4-اعترف اني مره حساسه واعيش بسرعه حاله الشخص الي يتكلم علي واحس فيه بسرعه

5-اعترف اني ماحب اي شي حزين لاني بسرعه اتاثر فيها

6-اعترف اني مرررره خوافه حتى من كلمه بووو انفزع منها :(

7-اعترف اذا اندمجت مع شي صعب اي شخص يفكني عنه هههههه

8-اعترف اني بسهوله احد يحمسني لشغله يعني لو احد يحمسني ويستغلني بيربح ههههه

9-اعترف اني احب الصغار كثير بس لما يغلط احد منهم اضربه ههههه اكفخه مضبوط بس والله يحبوني :o1:

10-اعترف اني مخلصه للي احبهم ولو طلبو روحي اعطيهم اياها

11-اعترف اني اموت لو بعد احد من الي احبهم عني ,, لانهم هم الحياه بالنسبه لي مقدر اعيش بدونهم الله يخليهم لي

12-اعترف اني احب السفر بشكل مو طبيعي ويمكن هالشي وراثي عندنا ههههه بديت اشك

13-اعترف اني لما اتعرف على احد جديد ماقدر اندمج بسرعه واكون اتكلم باريحيه وبكل شي في بالي يعني اصير متحفظه

14-اعترف اني بديت اعرف ان الناس طبقات سواء بالاراء بالتفكير بالتعاون بالمحبه اشياء كثيره

15 -اعترف اني بالمدرسه او بالجامعه افرق عن البيت ههههه اصير مؤدبه وو عاقله يعني هههه

16-اعترف اني احب البحر واعششقه نفسي اسوي بحر بالرياض :P

17 - اعترف اني ما ازعل بس اطلع كل الي بنفسي بوقتها من هواش بس اطلع من المكان او تتغير السالفه انسى كل شي : )

18-اعترف اني اعشق شي اسمه مباني وعماير وسواليفهم يعني بالمختصر احب الهندسه المعماريه

19-اعترف احب الرقص بكل اشكاله : )

20-اعترف اني لما اكون بالدور الارضي لحالي عاتي بس لارقيت مسسستحيل انزل
لاني اخاف ههههه ولما اروح لمكان مظلم خوفي اقل من لما اكون راجعه من مكان مظلم
يعني لما يكون ورا ظهري الظلام مررره اخاااف اكثر لما يكون الي قدامي ظلام > اكيد له تفسير نفسي ..!

21-اعترف لو احد قومني بربكه او شغل النور علي يقفل مزاجي ويصدع راسي .. احب الي يقومني وهو يسولف علي ويسالني لين اصحصح : ) اصير رايقه

22-اعترف لو عصبت على احد اكبر مني ما اقدر اصارخ عليه ولا اعبر عن الي بداخلي الا بالدموع فتلاقي كلامي مو مفهوم كله دموع وشهيق هههه حاله

23-اعترف اني مسوفه بقوه :( للاسف يعني .. اقول بسوي وبسوي واسحب على كل شي

24-اعترف اني نساايه بقووه + عجازه حبتين ههههه

25-اعترف اني خجوله بقوه بحيث لو رحت لعزيمه والناس من زمان عنهم اصير
معرف اتكلم وجهي احمر ابرد ارتجف هههه مرات احس فيني رهاب اجتماعي بسم الله علي هههههه

26-اعترف عندي عاده مدري وش تبي ,, لما اكون بالسياره اناظر بالوحات او حتى المباني
ثم اتخيل احد ينط من لوحه لمبنى لمكيف لشباك لسياره هههه يعني طول ما انا ماشيه فيه احد يناقز هههه مجنونه

27-اعترف اني لما اكون مشغوله ومنسجمه مع شي يجي احد يتكلم علي اتكلم وكل شي لكن لو سالني بعدها بقوله مدري وفعلا انا ما سمعت الي قاله ههههه امي تكره هالشي الي فيني

28- اعترف اني كبيت عفشي :o1:

29-اعترف انووو ما انعطى وجه هههههه >> ياكثر كلامي

30-اعترف ان اعترافاتي مال امها داعي وممكن تقولو عني موصاحيه هههههه



هناك 18 تعليقًا:

  1. اعترافات مسلية وبعضها غريبة 20-26 هههه
    ^_^

    ردحذف
  2. هههههه 26 انا عني مدري وش قصتها معي هههه
    نورتي

    ردحذف
  3. شخصيتك غريبه 00
    بس على سالفة الظلام انا مثلك اذا صار الظلام واري اخاف بس قدامي عادي

    حتى لما احد يسألني عن شي وانا مشغولة ارد وكل شي بس بعدين اقول ماقلته ^^

    ردحذف
  4. والله اممم من اي ناحيه : )

    اشوا لقيت احد مثلي بسالفه الظلام لانو اغلب الناس عكس
    يخافون من الظلام لما يكون قدامهم

    نورتي قلبوو

    ردحذف
  5. شخصيتك بطله ميه ميه ولا بعد ماشاءالله غلبتيني وخليتيها 30 هههههههه شي طيب
    اعترافاتك تنم عن وحده حبوبه ذات احاسيس رقيقه ذات خيال قميييل ذات افكاار شاامخة كـ ناطحات السحاب ذات روح عميييقه كالـ بحر

    امممم انا زيك فــ 3-7-10-12-13-16-27
    امووووت بشي اسمه بحر لقيت شقه للبيع امام بحر وش رايك اروح انا وياك نسكن فيها هههههههه
    وشسمه ايه ممتازه واعطيك 100 من 30 وكتيب ملصقات لاتبقين ولا ستيكر خلصي كل الكتيب ههههههه

    يلله اشوفك ع كل خييييييييييير يا احلى ازهاري

    ردحذف
  6. ههههههه اما انا احوووب الظلام وبجنون كمان هع
    ..
    شخصيتك غريبه شويات بس وآضحه ..
    ..
    حبيت مدونتكُ ~

    - متآبعهُ -

    =)

    ردحذف
  7. lolipop
    ياروحي انتي

    هههههههههه والله ياليت ترا ماقول لا
    احلى شي بالدنيا بيت وقدام البحر وااو
    :$ ترا اموت بالملصقات ههههههه

    نورتي قلبوو

    ردحذف
  8. e7sαs ●я
    هههههههه عكسي اجل

    والله مستغربه انا احس اني بنت طبيعيه هههههههههههه

    من ذوقك قلبوو

    الله يحييك : )

    ردحذف
  9. ويه ويه لووول

    اعترافات حلوووه

    وان شاء الله بقرب وقت بكتب اعترافاتي

    ردحذف
  10. : )
    بنتظارها ونتوورتي ياحلووه

    ردحذف
  11. اعترافات جميلة ،
    أعجبتني صراحتُكِ .

    ردحذف
  12. = )

    نورتي المدونه (f)

    ردحذف
  13. السلام عليكم

    ماشاءالله شخصيتك حلوة وطيوبة مبين :D

    في بعض الاعترافات مني بذات الاعتراف رقم 2 الشطر الاول فقط اجد صعوبة جداً لكن ذبابة تصحيني :(

    وان شاءالله رايح احاول احل الواجب :D

    ردحذف
  14. وعليكم السلام

    :$

    يؤ وش هالحظ لا اشوا احسن منك كذا عذاب ماتقدر تنام :(

    = ) نورت خيوو

    ردحذف
  15. وه بسسسسس

    ردحذف