azhar blog

السلام عليكم
يسسعد مسااكون

امس المغرب سويت مدونه ثانيه :)
راح اضيف فيها اشيائي المطبخيه

وكبدايه حلا قهوه
:$




الوصفه موجوده ع هذا الرابط

ايام الاختبارات
مششتهيه ايس كريم بشكل مو طبيعي وكل من اوصي او اطلب
والله مايجي :(
انجنيت وطفشت وشلته من راسي

المهم ذاك العصر وانا اذاكر اتصل علي اخوي قال انا جنب باسكن روبنز
وتذكرتك قلت اسالك يمكن تبين منه

انا ماصدقت قلت اييه جب لي المهم يوم جاء يسكر
قال تراني بعيد بس باخذ لك
بس لاتتحمسين مره ماني قريب هههههه

المهم جاء عالمغرب
كان موثالج مره بسسس
فرحت فيه مرره ههههه
من جد احسسي انبسطت فيه مره مع انه شي عادي
بس حلو الشي الي انت تتمناه يجيك + انك ماتطلبه هو يجي بالصدقه











عاد لاتضحكون علي
والله فرحت فيه اكثر من الصغار هههههه

السلام عليكم

يسسعد مسائكم

اليوم وبالضبط الساعه 6 و 20 دقيقه

كملنا انا ومدونتي سنه :$

من جد هالسنه تعرفت فيها ع عالم مرره حلوو

مدونات واصحابها ترفع من مستواك كلما قريت كم كلمه من مدوناتهم

تمنيت اني من زمان داخله هالعالم الحلوو

وراح اصف اسمائكم واسماء مدوناتكم كاعمود جديد في مدونتي :$ باذن الله

وهذا حاجه بسيطه مره بحقكم


واعتذر عن انشغالي الفتره الاخيره اني ماصرت ادخل كثير

لكن هانت الاحد بعدهاا اجاازه :)

ونرجع زي قبل ان شالله


الشي الثاني شكرا للي دايم يدخلون وقريبين من المدونه

فالعدد هذا مرره يونسس



وهذا من العداد الي انا حطيته بعد فتره لما تعلمت اضيف يعني ههههه


كانت في ارقام حلوه ماقدرت افوتها لكن فيه تعداد ضاع بذات الي بالبدايه:(
لكن ماطلع هنا الا 2222 كشخه هههه طبعا مو انا الي صايدته امم كان صاحب مدونه(عبدالرحمن)





وهنا الي تابعوني بالفتره الي فاتت



وعدد التدوينات في هالسنه




وتعرفون لازم نستعرض اشكال مدونتي الي مرت فيها

طبعا الي حفظتهم فيه هع




وهنا احصائيه سنه :)
لعدد الزوار






وبالنسبه للي يدخلون بالمدونه



السعوديه تقريبا هم 90% :) ثم الكويت ثم الولايات المتحده ثم قطر ثم الامارات ثم كندا ثم مصر ثم المغرب الخ




وووبسسس



اتمني نكمل مع بعض سنوات اكثر واقرب واحلي :$

السلام عليكم

يسسعد صباحكم

مسكت معي هالحزه انزل الصور هع

بس حلاوتها بوقتها

امس العصر طلعت مع قروبي

علشان نتناقش بشغلات في المشروع

طبعا كان النقاش ثلث ساعه او اكثر بشوي

والباقي ضحك وسوااالف ههههه

بس جد مممتعه مررره

لقطات بسيطه

من جد انبسطنا لدرجه اننا بالقوه طلعنا ههههه

حنا اخر من طلع

ماصدقو اننا طلعنا قفلو ع طول ههههههههه

شويه انتعااش للصيفيه :)

السلام عليكم

يسسعد مساائكم

اخباركم واخبار اجوائكم سوا تسدح او كرف ودراسه P:

اليوم الحمدلله كان اخر اختبار لي

وافتكينا من هالاختبارات

وباقي المناقشه الله يسسهلها وييسرها

عاد حبيب قلبي اخوي

ماعمره نساني ماشالله عليه

كل نهايه سنه اخر اختبار لي

ما اقوم الا وهو بالصاله مسسوي لي حفله

ياقلبي قلبه

عاد بوريكم كيكه الايسكريم الي جايبها









كان ودي اصور الحلويات والقهو و الفطاير

لكن انا ماقمت الا بالتسحيب ههههه

فاهلي تقهوو وشربو شااهي وطفششو وانا ساحبتها نومه

قالو بغينا ناكلها بس نتصبر ههههههههههههه

ويالله عقبال الاجازه الصددقيه لنا جميعا :)

السلام عليكم

يسسعد صباحكم

مو تقولون وش جايبك هههه اعرف باقي لي اخر ماده الاربعاء ان شالله

لكن اليوم غير

من قمت امس وانا اكرف ومرتزه عالكرسي لييين هالحززه

بس الحين حااسه بونااسه

توني اطبع مشروع تخرجنا :)

اول نسخه توها انطبعت وبسلام ولله الحمد وتوني راجعتها وبديت اطبع النسخ الباقيه

معرف يوم جلست جنب الطابعه >> بالارض الطابعه هههه

والله يوم شفت الاوراق بدت تطلع والله جاني شعوور حلوووو

انه هذا مشروع فكتي قصدي تخرجي من الجامعه هههههه

ماقدرت اقاوم شكل الاوراق صرت اصورهم واصور معهم

اشوا ان امي مادخلت علي كان قالت خلف الله ع البنت ههههههههههه

يالله دعواتتكم لي بمناقشه سلسه مو معقده ويعمي عيونهم عن الاشياء الي مو مضبوطه

ووو بوريكم كم لقطه














يالله ادعوو لنااااا مناقشتنا الاسبوع الجااي



>> طبعا كان مفروض انزله بوقته لاكن جلطتني الطابعه
سوت لي اكشن ثم قالت يكفي وكملت طباعه هههههههه
فتركت كل شي ويدي ع قلبي
وقلق ليين سلمته للسكرتيره ارررتحت

السلام عليكم

عذرا انحذفت التدوينه بسبب من بولقر

صايره مشكله وماقدرت افتح ع لوحه التحكم بعدها

لقيت التدوينه محذوفه


فبكتبها بختصار :)

انو الاربعاء في الجامعه كان فيه احتفال تبع النادي حق كليتنا

من بين الاشياء

كانت فيه وحده تعلم كيف نصنع الاشكال من الورق

مرره حلووه

وكانت الطاوله مجهزه بالادوات والورق للي بيجرب

طبعا جربت بورق ساده عمل فستان ياباني

وهذي تجربتي




طبعا شغل البنات يجنن لانو مستخدمين ورق مرسم مرره حلوو

الورق ماخذينه من المحل الياباني دايسو

كان مربع وجهه مرسمه وجهه ابيض ساده

يساعد انه يظهر الاشكال اوضح واجمل

طبعا سالت البنات عن الموقع

فعطوني رابطه هنا

مره عجبني

ان شالله يعجبكم :)

الله يوفقك يا اغلى أخت في الدنيا

الذ فطيره تفاااح

بما اني كنت مستعجله فكبرت القطع ومليته تفاح

يممممي طلعت الذ من جد

كنت دايما احطهم صغار وتصير الحشوه خفيفه

بس هالمره سويتها كبيره علشان الحق اخلصها قبل قهوه المغرب



بالنسبه للطريقه ::

بيضه + نص كاس سكر (بعد مانقيسه نطحنه ناعم) + فانيلا
ونخلطهم مرره

بعدها نضيف اصبع زبده مذوبه + 3 ملاعق ماء دافيه

ونخلطهم ثم نضيف بالتدريج 2 كوب طحين


بتطلع معنا عجينه ناعمه رطبه ولييينه

بشويش انتم تفردونها وبعد وانتم نتقلونها للصينيه لانها ممكن يتغير شكلها او تتقطع معك


كذا العجينه جاهزه راح نفردها ونقطعها دوائر

الحشوه

3 تفاحات مبشورات + شوي قرفه + كم ملعقه من السكر الباودر

وتنحط عالنار شوي لين تجف الحشوه

ونخليها تبرد شوي

ونعيد تحط سكر وقرفه

وكذا خلصنا الحشوه

نبدى نحشي ونحط طبقه ثانيه من العجين




ووو

وندخلها الفرن ع حراره 150 تقريبا ويكون مكانه وسط بالفرن

ونشيك عليه لين تتحمر من تحت ونشقرها عالخفيف من فوق

واول ماتطلع نرش عليها سكرر

وبسسس

استمتعووو

السلام عليكم

يسسعد مسااكم

الاسبوع الي فات وصلني تابلتي

مره فرحت فيه و شخمطت وسويت شغلات لمشروعي

وهذي صوره

:)

المقاديرو الطريقه

كاس سكر (بعدالقياس اطحنه علشان بسرعه يذوب)+ اصبع زبده لينه (تتركونها لين تصير لينه

نخلطهم سوا لين تصير زي الكريمه الثقيله

بعدها نضيف

2 بيضه + رشه فانيلا

ونخلط لين يمتزجوون مرره

ثم نهرس موزتين او ثلاث يعني تقريبا كوب موز ونضيفهم للخليط ونخلط

نضيف كوبين طحين + ملعقه ونص بكنج بودر + رشه ملح


ونخلط

طبعا الخليط بيطلع مره سميك او ثقيل

نوزعها بملعقه ايس كريم

وتطلع كميه قليله من 12 الي 16 كوب كيك

وندخلها الفرن درجه حراره 140 لمده امم نص ساعه او اقل

شيكو عليها كل شوي لكن بعد ربع ساعه علشان ماتخرب


وبصراحه انا حبيتها واخواني مرره عجبتهم :)


بس بشرط اول ماتطلع من الفرن قدموها

لانو في الاجازه سويتها وطلعنا استراحه يعني بعد 5 ساعات قدمناها

حسيت النكهه طارت مو زي لما تكون توها مطلعه من الفرن

يسسعد صباحكم

اخباركم ,, وكيفكم مع الاجوااء الحلووه

من جد جوو الريااض غييير

هالاياام مره يجنن


امم اعتذر عن انقطاعي هالشهر

يعني شوي واكمل شهر عن اخر تدوينه

هو شويه دراسه ع شوي اختبارات ع شويه ملل

مدري كيف احس بس اخلص شغل الجامعه من لاب توبي مابي ارجع اشوفه حتي لو فضيت

اجلس عند التلفزون :)


بالمقابل من جد شكرا

ماتوقعت الكم الهائل مع انقطاعتي تكون متواجده

بجد فرحني هالشي


بحاول اكون قريبه في الايام الجايه

كوونو بخير

>> واستايل جديد لعيونكم ,, يفتح نفسكم شوي :)